Olta Gixhari dhe Leonora Jakupi do të jenë opinioniste në edicionin e ri të BBVK.
Para fillimit të edicionit të ri të Big Brother VIP Kosova, janë zbuluar tashmë opinionistet që do të jenë pjesë e këtij sezoni. Këtë vit, produksioni ka vendosur që rolin e opinionistëve ta besojë dy grave shumë të njohura në skenën shqiptare.
Bëhet fjalë për Olta Gixharin dhe Leonora Jakupin, të cilat do të sjellin analiza, komente dhe diskutime rreth dinamikave të shtëpisë më të famshme në vend.
Para pak çastesh është publikuar edhe një foto e tyre, ku ato shfaqen të buzëqeshura dhe plot stil, duke treguar se janë të gatshme për këtë mision të ri televiziv. Të dyja duken se po shkëlqejnë dhe premtojnë një sezon të mbushur me energji, debate dhe profesionalizëm.
Publiku tashmë po pret me padurim nisjen e edicionit të ri të BBVK dhe rolin që këto dy figura do të kenë përgjatë spektaklit.
