Visar Ymeri, ish-kryetar i VV, ka folur në lidhje me arsyet se pse VV nuk e votoi Adem Demaçin, veprimtar i njohur, për president në vitin 2011.
Ymeri, që tash është analist, ka dhënë dy arsye.
“Dy kanë qenë arsyet kryesore. E para është që Albin Kurtit i është dokur që z. Demaçi po bëhet pjesë e lojës së Thaçit, jo me qëllim me e zgjedhjes, por me e fut në lojë”, ka thënë Ymeri.
“Dhe e dyta, unë nuk kam qenë në takim, por ka pasur një takim të Liburnit dhe Albinit me z, Demaçi. Ata pastaj me kanë treguar se njëra prej pyetjeve që i është shtruar z. Demaçi ka qenë: nëse të bëjnë president a e mandaton Hashim Thaçin për kryeministër? Dhe z. Demaçi ka thënë “po”, sepse ai i ka fituar zgjedhjet. Ky i ka thënë: jo, Hashim Thaçi nuk bën me kanë”, ka treguar Ymeri.
