Kryetari i LDK-së thekson rëndësinë e stabilitetit institucional dhe mbështetjes së BE-së për perspektivën euroatlantike të Kosovës.
Kryetari i Lidhjes Demokratike të Kosovës, Lumir Abdixhiku, ka pritur sot në takim Përfaqësuesin e Posaçëm të Bashkimit Evropian për dialogun Kosovë–Serbi, Peter Sørensen.
Gjatë takimit u diskutua situata aktuale politike në vend dhe proceset ndërkombëtare që presin Kosovën. Abdixhiku theksoi rëndësinë e stabilitetit institucional dhe konsolidimit demokratik si parakushte për funksionimin normal të institucioneve, besimin e qytetarëve te shteti, zhvillimin ekonomik, tërheqjen e investimeve dhe ruajtjen e kredibilitetit ndërkombëtar të vendit.
Në përmbyllje të bisedës, Abdixhiku shprehu pritjen që Bashkimi Evropian të vazhdojë angazhimin dhe mbështetjen për Kosovën, si në proceset e përgjithshme politike, ashtu edhe në rrugëtimin drejt integrimit evropian dhe forcimit të perspektivës euroatlantike të vendit.
