Bekim Jashari, djali i heroit kombëtar Hamëz Jasharit, ka reaguar ndaj një kronike të Klan Kosovës në lidhje me fotografitë e familjes së tij.
Jashari ka treguar se fotografitë janë bërë nga grupi i Adem e Hamëz Jasharit.
Jashari ka shkruar se ato u transferuan mëpastaj në Gjermani.
“Për hirë të së vërtetës dhe historisë së lavdishme, vlerësimit dhe jo mohimit të meritave të askujt, dua të informoj opinionin publik se fotografitë e Komandantit Legjendar Adem Jasharit, babës Shaban dhe babushit në uniforma ushtarake, të publikuara në kronikën e Klan Kosovës nga Foto Kabashi, janë bërë nga vetë ata, nga grupi i Adem Jasharit.
Ata i realizuan fotografitë të vetëdijshëm se ndoshta nuk do t’i shihnin kurrë, por ato do t’i shihte më vonë e gjitha bota” – ka shkruar Jashari, ndër të tjera.
