Cristiano Ronaldo mori pjesë të martën në një darkë formale në Shtëpinë e Bardhë, së bashku me presidentin Donald Trump, princin e Kurorës së Arabisë Saudite, Mohammed bin Salman, presidentin e FIFA-s Gianni Infantino dhe disa udhëheqës të biznesit.
Trump e prezantoi Ronaldon me djalin e tij, Barron, duke thënë se djali i tij është një fans i madh i yllit portugez.
“Djali im është fans i madh i Ronaldos… dhe tani e respekton më shumë babanë, vetëm për faktin që e njoftova me të”, tha Trump.
Ronaldo ishte i ulur pranë një delegati saudit dhe darka u zhvillua për të shënuar vizitën e Bin Salman në SHBA.
Ronaldo, aktualisht lojtar i Al Nassr dhe fytyra e ligës profesionale saudite të futbollit, ka ndërtuar lidhje të ngushta me Arabinë Saudite dhe ka marrë pjesë në përpjekje diplomatike, duke përfshirë edhe dhurimin e një fanelleje të nënshkruar për Trump me mbishkrimin: “Luajmë për Paqe.”
40-vjeçari po përgatitet për ndeshjet e Portugalisë në mars 2026 dhe do të jetë kapiten në Kupën e Botës 2026, pavarësisht një pezullimi të shkurtër për një karton të kuq të marrë kohët e fundit.
