Kandidati i AAK-së kritikon deklaratën e Alban Krasniqit për Ramush Haradinajn, duke thënë se ai ka humbur nga vlerat që i ka pasur.
Kandidati i AAK-së për deputet, Daradan Krasniqi, ka reaguar ndaj deklaratave të vëllait të tij, Alban Krasniqit nga Vetëvendosje, i cili kishte thënë se Ramush Haradinaj po i keqpërdor lotët e nënës së tij për fushatë zgjedhore.
Duke folur në emisionin “Këndi i Debatit” në Tëvë1, Daradani tha se pavarësisht mospajtimeve aktuale, ai ndihet krenar për të kaluarën e vëllait të tij, por e kritikoi ashpër për deklaratën ndaj Haradinajt.
“Unë jam krenar me të kaluarën edhe të vëllait tim, edhe të gjithë. Albani ka qenë ushtar i mirë, por kjo politika po i zhveshke njerëzit nga disa vlera. Unë i kam nda rrugët me LVV-në për arsye se kam dashtë me i ruajt disa vlera”, u shpreh ai.
Daradan Krasniqi theksoi se largimi i tij nga Vetëvendosja ka ardhur pikërisht për shkak të mbrojtjes së parimeve që, sipas tij, politika po ia humb njerëzve, madje edhe atyre më të afërt.
