Paris Guri, deputet i LDK-së, ka komentuar mandatimin e Glauk Konjufcës për kryeministër të Kosovës.
Guri ka vlerësuar se mandatimi i Konjufcës erdhi si tentim për të blerë kohë.
E gjithë kjo, sipas Gurit, është për të ndryshuar datën e zgjedhjeve.
“Mandatimi i Glauk Konjufcës ka ardhur si rezultat i tentimit për të blerë kohë dhe për ta ndryshuar datën e zgjedhjeve dhe asnjëherë s’ka ardhur si rezultat i gjetjes së ndonjë zgjidhje, për arsye se ne e kemi parë që edhe ditën kur është mandatuar z. Konjufca, ai para mediave ka deklaruar se nuk është i gatshëm për të ofruar ndonjë marrëveshje bashkëpunimi ose koalicion për partitë e tjera” – ka theksuar Guri në Klan Kosova, raporton Gazeta Politika.
