Deputeti reagon pas deklaratave të ministres, flet për përçarjet në Guxo dhe paralajmëron tërheqje nga paraqitjet publike.
Deputeti i Kuvendit të Kosovës, Haxhi Avdyli, ka reaguar ashpër ndaj ministres së Punëve të Jashtme, Donika Gërvalla, përmes një postimi të gjatë publik.
Avdyli ka akuzuar Gërvallën se nuk ka treguar guxim për të mbrojtur presidenten Vjosa Osmani përballë, siç i quajti ai, shpifjeve dhe kërcënimeve ndaj saj. Ai theksoi se qëndrimi i tij politik mbetet i njëjtë dhe se dorëheqja nga funksionet në Guxo nuk e pengon të jetë pjesë e grupit parlamentar të Lëvizja Vetëvendosje deri në fund të mandatit.
