Analisti paralajmëron represion nga regjimi dhe ngre pikëpyetje për veprimet e SHBA-së pas deklaratës së Trumpit.
Analisti politik amerikan, Ian Bremmer, ka reaguar lidhur me zhvillimet e fundit në Iran, duke bërë të ditur se turma të mëdha qytetarësh janë mbledhur sonte në Teheran në kuadër të protestave kundër regjimit.
Sipas Bremmerit, situata në terren është shumë e vështirë për t’u vlerësuar për shkak të ndërprerjes së plotë të internetit nga autoritetet iraniane, gjë që po e pamundëson qasjen në informacione të verifikuara dhe pamje nga protestat.
Ai paralajmëroi se duhet pritur një reagim represiv nga regjimi ndaj protestuesve, duke shtuar se historia tregon se autoritetet në Iran shpesh i përgjigjen pakënaqësisë qytetare me dhunë dhe masa ndëshkuese.
Bremmer ngriti gjithashtu pikëpyetje për rolin e Shteteve të Bashkuara, pas deklaratës së presidentit Donald Trump se do t’i “shpëtojë” protestuesit.
“Çfarë, nëse fare, do të bëjë SHBA-ja?” – pyeti ai, duke lënë të hapur dilemën për veprimet konkrete të Uashingtonit në këtë situatë të tensionuar.
