Kryeministri i Kosovës, Albin Kurti, kishte bërë një zotim të fuqishëm në fund të vitit 2025, duke premtuar shpërblime të konsiderueshme financiare për Kombëtarja e Kosovës në rast të vazhdimit të suksesit në arenën ndërkombëtare.
Gjatë një mbledhjeje të qeverisë, ai kishte premtuar fillimisht 250 mijë euro për kalimin e fazës së grupeve, objektiv që “Dardanët” tashmë e kanë arritur.
Ndërkohë, Kurti kishte rritur edhe më tej premtimet për sukseset e ardhshme. Më 27 nëntor 2025, ai kishte deklaruar se në rast të një fitoreje ndaj Kombëtarja e Sllovakisë, do të ndahen 500 mijë euro shpërblim për ekipin.
“Dhe së dyti, në rast të kualifikimit në Kupën e Botës, zotohemi edhe për 1 milion euro shpërblim. Përpara Kosovë, gjithmonë me ty”, kishte thënë Kurti.
Kosova përballet sonte me Sllovakinë në Bratisllavë, në një ndeshje që nis nga ora 20:45 dhe që konsiderohet vendimtare për rrugëtimin drejt Kupa e Botës FIFA 2026, e cila do të mbahet në Shtetet e Bashkuara të Amerikës, Kanadaja dhe Meksika.
Në rast të fitores, “Dardanët” do të luajnë finalen në stadiumin Stadiumi Fadil Vokrri në Prishtinë, kundër fituesit të përballjes mes Turqia dhe Rumania.
Kosova nuk ka qenë kurrë më afër një kualifikimi historik në Botëror, duke qenë vetëm dy ndeshje larg realizimit të këtij objektivi madhor.
