Sot Avokati i Popullit njoftoi se i ka shkruar letër kryetares së Gjykatës Speciale në lidhje me pretendimet për pranimin në mënyrë joligjore të provave dhe dokumenteve nga Serbia.
Pas kësaj letre, Dhomat e Specializuara kanë lëshuar një komunikatë sqaruese në lidhje me pranimin e provave.
“Një vendim i gjykatësve për të pranuar prova, nuk do të thotë se gjykatësit duhet të mbështeten në to për aktgjykim. Në fund të gjykimit, gjykatësit vlerësojnë secilën provë në kontekst të provave të pranuara, dhe përcaktojnë peshën dhe besueshmërinë që do t’u jepet atyre” – ka shkruar Gjykata Speciale.
