Pal Lekaj, ish-deputet i AAK-së, ka shkruar një status, në të cilën ka komentuar koalicionin e PShDK-së me VV-në.
Lekaj e ka kritikuar PShDK-në për këtë koalicion.
Ai ka vlerësuar se kapitullimi i PShDK-së do të vërtetohet më 28 dhjetor.
“Jam më se i bindur se udhëheqja e kësaj dege lokale as nuk i di e as nuk i kupton konceptet e drejtimeve politike, sepse pikërisht kjo udhëheqje e ka shkatërruar një parti që ishte simbol i vendit në shumë procese të rëndësishme. Në krye të saj erdhën njerëz që nuk ishin pjesë e asnjë procesi të mirë për vendin, dhe këtë e dëshmuan edhe me koalicionin me të majtën ekstreme në Kosovë, duke treguar se për ta kanë rëndësi vetëm interesat e një grupi klanor, që po e çon një nga partitë e para shqiptare në Kosovë drejt fundosjes” – ka shkruar Lekaj.
