Augustin Palokaj, gazetar i njohur i Grupit “KOHA”, ka shkruar një kolumne në lidhje me zhvillimet e fundit politike në Kosovë.
Sipas tij, nuk ka asgjë të jashtëzakonshme në zgjedhjet e 28 dhjetorit, pasi në historinë e demokracisë kosovare, zgjedhjet kanë qenë gjithmonë të jashtëzakonshme.
Në opinionin e botuar në Koha, Palokaj ka shkruar me një ton pessimist, duke paralajmëruar se Kosova mund të mbetet pa qeveri deri në pranverë.
“Ankthi nuk do të përfundojë as me 28 dhjetor, sepse pastaj do të kemi numërimin e votave, rinumërimin e tyre, ankesat dhe shqyrtimin e tyre. E më pastaj edhe konstituimin e Kuvendit dhe tentimet për krijimin e qeverisë. E gjithë kjo mund ta çojë Kosovën pa qeveri deri në pranverë. Dhe këtu vijmë te problemi kryesor. Pse u desh të pritej dhjetë muaj për këtë” – ka shkruar Palokaj për Kohën.
