Presidenca e Kosovës ka reaguar pas publikimit të disa fotografive të montuara të presidentes Vjosa Osmani me disa politikanë serbë.
Presidenca ka kërkuar hetim për këtë situatë.
“U bëjmë thirrje Policisë së Kosovës dhe autoriteteve kompetente që të ndërmarrin veprimet e nevojshme ndaj këtyre dezinformatave, të cilat jo vetëm cenojnë sigurinë publike, por përbëjnë rrezik të drejtpërdrejtë për institucionet dhe për stabilitetin e vendit. Përhapja e dezinformatave të tilla duhet të trajtohet me seriozitet maksimal” – ka shkruar Presidenca.
