Ministri i Punëve të Jashtme, Glauk Konjufca, ka bërë të ditur se ka marrë pjesë në një takim online me mbi 40 homologë nga vende të ndryshme, ku është diskutuar situata në Strait of Hormuz.
Përmes një postimi në Facebook, Konjufca tha se Kosovo qëndron në linjë me partnerët ndërkombëtarë në thirrjen që Ngushtica e Hormuzit të rihapet sa më shpejt.
“Ndërprerjet në këto rrugë jetike nuk janë vetëm çështje rajonale, por prekin drejtpërdrejt ekonomitë dhe stabilitetin e shumë vendeve, përfshirë edhe vendin tonë. Ato ndikojnë në zinxhirët globalë të furnizimit, në çmimet e energjisë dhe në sigurinë ekonomike në përgjithësi”, ka shkruar ai.
Sipas tij, koordinimi ndërkombëtar dhe një qasje e përbashkët janë thelbësore për të garantuar stabilitetin dhe funksionimin normal të këtyre korridoreve strategjike.
“Republika e Kosovës dënon fuqishëm sulmet e Iran që i shkelin këto parime. Ne qëndrojmë në linjë me partnerët tanë në thirrjen se Ngushtica e Hormuzit duhet të rihapet sa më shpejt dhe në mënyrë të sigurt”, ka shtuar Konjufca.
Ai theksoi se Kosova mbetet e palëkundur në mbështetje të partnerëve të saj euroatlantikë dhe në Lindjen e Mesme për mbrojtjen e lirisë së lundrimit dhe sigurisë ndërkombëtare.
