Shpat Kasapi, këngëtar i njohur, ndërroi jetë ditë më parë pas një sulmi kardiak.
Sot në Tetovë organizohen homazhe me fillim nga ora 12:00.
Pastaj, nga ora 14:00 do të fillojë ceremonia e varrimit për Kasapin, i cili vdiq në moshën 40-vjecare.
Njoftimi i plotë:
LAJMËRIM MORTOR
Me pikëllim të thellë njoftojmë ndarjen nga jeta të birit, babait, bashkëshortit, vëllait dhe shokut tonë të dashur, SHPAT KASAPI
(1 Maj 1985 – 26 Nëntor 2025)
Shpati ishte një zemër e bardhë, një shpirt i gëzuar që jetonte me këngë në buzë dhe me dritë në sy. Ai falte vetëm dashuri e mirësi, dhe kush e njohu, e ndjeu ngrohtësinë e tij.
Ikja e tij e papritur ka thyer zemrat tona. Do të na mungojë zëri i butë, buzëqeshja e tij e sinqertë dhe prania që na jepte qetësi. Kujtimi i tij do të mbetet i paharrueshëm për ne.
Të gjithë ata që dëshirojnë t’i japin lamtumirën e fundit Shpatit tonë të dashur janë të mirëpritur të marrin pjesë në ceremoninë e tij.
Homazhet do të mbahen të Dielen, 30.11.2025, në orën 12:00, në Pallatin e Kulturës në Tetovë.
Varrimi: në orën 14:00, në varrezat e qytetit të Tetovës.
Qoftë i përjetshëm kujtimi i tij.
U prehtë në paqe.
