Ngjarja ndodhi te rrethi i “Interex”-it në Prishtinë, pas analizave muzikore të Pacollit për freestyle-at e Meriton Mjekiqit.
Gazetari i Nacionales, Burim Pacolli, është sulmuar fizikisht nga reperi i njohur si Mossi, emri i vërtetë i të cilit është Gramos Krasniqi, si dhe nga disa persona të tjerë.
Sipas informacioneve, sulmi ka ndodhur te rrethi i “Interex”-it në Prishtinë, derisa Pacolli ishte duke kryer shërbime personale bankare.
Ngjarja dyshohet të ketë ndodhur për shkak të analizave dhe recensioneve muzikore që Pacolli kishte bërë së fundmi për pesë “freestyle”-at më të fortë të Meriton Mjekiqit. Në analizën e tij, dy nga “freestyle”-at e renditur ishin “diss”-at e reperit Betim Januzi, i njohur si Buta, të drejtuara ndaj Mossi-t.
Deri më tani nuk ka informacione zyrtare nga autoritetet lidhur me rastin.
