I dërguari i ri i ShBA-së në Kombet e Bashkuara kërkon ndaljen urgjente të provokimeve ruse dhe respektimin e sovranitetit të fqinjëve.
Mike Waltz, i dërguari i ri i ShBA-së në Kombet e Bashkuara, ka reaguar ndaj akuzave të fundit për shkelje të hapësirës ajrore ruse, duke theksuar se Rusia po rrezikon të përshkallëzojë konfliktin. Në një fjalim para Këshillit të Sigurimit të OKB-së, ai tha se ShBA-të e kishin paralajmëruar Moskën që të ndalonte veprimet e rrezikshme, sidomos pas rastit kur dronët rusë depërtuan në hapësirën ajrore të Polonisë, një vend anëtar i NATO-s, nëntë ditë më parë.
“Pavarësisht paralajmërimit, Rusia përsëri shkel hapësirën ajrore të një anëtari të NATO-s. Dua të jem i qartë: ShBA-ja dhe aleatët tanë do të mbrojnë çdo centimetër të territorit të NATO-s. Rusia duhet të ndalojë menjëherë këtë sjellje të rrezikshme,” deklaroi Waltz, shkruan Sky News.
Ai i bëri thirrje Moskës që, si anëtare e përhershme e Këshillit të Sigurimit, të mbështesë paqen dhe sigurinë ndërkombëtare, të respektojë sovranitetin e fqinjëve dhe të ndalojë shkeljet e hapësirës së tyre ajrore. Waltz përfundoi duke ftuar Rusinë të negociojë drejtpërdrejt me Ukrainën për t’i dhënë fund luftës.
