Zana Avdiu, autore e emisionit “Zanat”, që shfaqet në T7, ka reaguar përmes një video rreth heshtjes së VV-së dhe PDK-së në lidhje me nënshkrimin e presidentes Vjosa Osmani për anëtarësim të Kosovës në Bordin e Paqes.
Në një video për Gazetën Politika, Avdiu, që është edhe analiste politike në “Pressing”, ka vlerësuar Lumir Abdixhikun, kryetar i LDK-së, për urimin që ia bëri kësaj arritje historike të Kosovës.
Avdiu ka theksuar se VV-së dhe PDK-së nuk iu interesojnë sukseset e Kosovës, por ato personale.
“Shije të hidhur lanë VV dhe PDK-ja. Asnjëra nuk e përshëndetën suksesin e Kosovës, duke e lënë përshtypjen që nuk i vlerësojnë sukseset e Kosovës nëse nuk janë pjesë e tyre. Kanë kaluar 24 orë dhe VV-ja nuk e ka uruar as vendin, as Osmanin per suksesin. Njëjtë edhe PDK-ja. Kjo tregon se këtyre dy partive nuk iu intereson suksesi i Kosovës, por vetëm suksesi personal” – ka theksuar Avdiu, transmeton Gazeta Politika.
