Lajmin e konfirmon zëdhënësi Arlind Manxhuka; Nagavci paralajmëron angazhime të reja
Arbërie Nagavci është zgjedhur shefe e Grupit Parlamentar të Lëvizjes Vetëvendosje (LVV).
Lajmin e ka konfirmuar zëdhënësi i LVV-së, Arlind Manxhuka. “Po, shefe e grupit është zgjedhur deputetja Arbërie Nagavci”, ka konfirmuar ai për Gazetën Express.
Nagavci, e cila mbeti jashtë kabinetit qeveritar, kishte paralajmëruar një angazhim të ri politik. Mbrëmë, ajo u tha gazetarëve se kishte diskutuar me kryeministrin Albin Kurti që pas zgjedhjeve të 9 shkurtit për kontributin e saj në pozita të tjera.
“Pas zgjedhjeve të 9 shkurtit me kryeministrin kemi diskutuar qysh në atë kohë për angazhime të tjera dhe kontributin tim në pozita tjera… Mbi të gjitha do të jem deputete, shpejt i shohim dhe angazhimet tjera”, tha Nagavci.
Me këtë vendim, Nagavci merr drejtimin e Grupit Parlamentar të LVV-së në Kuvendin e Kosovës.
