Von der Leyen: Po thellojmë partneritetin mes demokracive më të mëdha në botë; marrëveshja pritet të jetë “game-changer” për ekonominë evropiane, veçanërisht për Gjermaninë.
Bashkimi Evropian dhe India po hedhin hapa drejt një marrëveshjeje historike tregtare, e cila pritet të jetë më e madhja e arritur ndonjëherë nga BE-ja.
“BE-ja dhe India po bëjnë histori sot dhe po thellojnë partneritetin midis demokracive më të mëdha në botë”, deklaroi presidentja e Komisionit Evropian, Ursula von der Leyen.
Megjithatë, zbatimi praktik i marrëveshjes do të kërkojë ende kohë, pasi dokumenti duhet t’i nënshtrohet një shqyrtimi ligjor përpara se të hyjë në fuqi.
E cilësuar si “mëma e të gjitha marrëveshjeve tregtare”, ujdi tregtare BE–Indi shihet si një rrugëdalje e rëndësishme për Brukselin, veçanërisht pas pengesave të fundit me marrëveshjen Mercosur, e cila hasi vështirësi në Parlamentin Evropian.
Në një kohë kur BE-ja përballet me kërcënime tregtare dhe presion proteksionist nga ish-presidenti amerikan Donald Trump, blloku evropian po lëviz me ritëm të lartë për të siguruar tregje të reja dhe për të forcuar partneritetet strategjike.
Për ekonominë gjermane, marrëveshja me Indinë mund të ketë ndikim të madh. Volker Treier nga Dhoma Gjermane e Industrisë dhe Tregtisë e cilësoi atë si një “game-changer”, duke theksuar se do të hapte mundësi të reja për eksportet dhe investimet evropiane në një nga tregjet me rritjen më të shpejtë në botë.
