Një kërcënim serioz ndaj jetës së kryeministrit të Kosovës, Albin Kurti, është raportuar mbrëmë në veri të Mitrovicës.
Në rrugën “Vasilije Ostrovski” është gjetur një grafit i shkruar në gjuhën serbe me shkronja cirilike, i cili në shqip përkthehet: “Me agimin e ditës, Albin Kurti do të jetë i vdekùr”.
Sipas raportimeve të Sinjalit, pas marrjes së informatës operative, njësitë përkatëse policore kanë dalë në vendin e ngjarjes dhe kanë kryer ekzaminimet e nevojshme.
Lidhur me rastin është njoftuar prokurori kujdestar, i cili ka udhëzuar që rasti të iniciohet si “Kanosje”. Hetimet për këtë rast po vazhdojnë.
