Trupat po stërviten për mbështetjen e planit të paqes të propozuar nga presidenti amerikan Donald Trump.
Indonezia po përgatitet të dislokojë deri në 8,000 ushtarë në Gaza, në mbështetje të planit të paqes të propozuar nga presidenti amerikan Donald Trump, duke u bërë potencialisht vendi i parë që angazhohet publikisht me trupa për këtë mision, raportoi Financial Times.
Sipas raportimit, ushtria indoneziane ka nisur stërvitjen e forcave për një dislokim të mundshëm jo vetëm në Gaza, por edhe në zona të tjera konflikti.
Shefi i shtabit të ushtrisë, gjenerali Maruli Simanjuntak, tha të hënën se numri i trupave ende nuk është përfundimtar. “Mund të jetë një brigadë, ndoshta 5,000 deri në 8,000. Por gjithçka është ende në negociata, nuk është e sigurt. Pra, deri tani nuk ka një numër të përcaktuar”, deklaroi ai.
