James Rubin, ish-ndihmëssekretar në Departamentin e Shtetit, ka nisur dëshminë e tij në Gjykatën Speciale në Hagë, me kërkesë të mbrojtjes së Hashim Thaçit, ish-president i Kosovës.
Ai ka rrëfyer për takimin me Thaçin në vitin 1999 gjatë kohës së Rambujesë.
Rubin ka treguar se atëbotë Thaçi nuk fliste anglisht.
“Në atë kohë Hashim Thaçi nuk fliste në anglisht dhe kur dikush nuk flet gjuhën në ato rrethana përdoret shpesh gjuha e trupit, përdoren fjalë që njihen në të gjitha gjuhët dhe pastaj për të komunikuar siç duhet në nivel diplomatik kishim përkthyes dhe besoj që ka pasur momente kur përkthyesi i departamentit të Shtetit ishte me mua ose ndonjë person tjetër që unë e njihja dhe fliste të dy gjuhët ishte aty për të bërë përkthimin“ – tha ai, transmeton Gazeta Politika.
