Milazim Krasniqi, profesor universitar, ka reaguar ndaj raportimeve propapganduese të mediave të Serbisë për gjoja sulmin e shqiptarëve ndaj ushtrisë serbe.
Duke komentuar në profilin e tij në Facebook, Krasniqi ka shkruar se ky raportim propagandues i duket si një episod i luftës hibride.
Tutje, ai ka kërkuar që ky rrëfim propagandues të demantohet.
“Media serbe b92 ka tekst me titull: “…Detaje nga sulmi ndaj armatës së Serbisë: shqiptarët shkrepën 15 plumba pastaj ikën me gjashtë xhipa”(Koment) dikush duhet ta demantojë këtë gjë. Ose, nëse ka pasur ndonjë incident, ta informojë publikun. Mua më duket si episod i luftës hibride dhe pretekst për incidente që mund të provokohen nga Serbia, gjoja si “përgjigje ndaj sulmit”” – ka shkruar Krasniqi.
