Kryetari i Prishtinës paralajmëroi transformimin urban rreth xhamisë, duke e krahasuar me hapësirën publike të Katedrales.
Kryetari i Prishtinës, Përparim Rama, ka bërë të ditur se rreth Xhamisë së Madhe të Prishtinës pritet të ndërtohet një shesh modern. Sipas tij, kjo hapësirë do të ketë një qasje të ngjashme me atë që i është dhënë Katedrales “Nënë Tereza”.
“E kemi xhaminë e madhe, xhamia e Kosovës. Siç e ka sheshin katedralja, do ta ketë edhe xhamia. Do të shndërrohet në shesh deri te rrethi i Flamurit”, deklaroi Rama në emisionin Pressing në T7.
