Bashkëshortja e Rexhep Selimit reagon pas nisjes së fazës përmbyllëse të gjykimit në Hagë dhe kërkesës për dënim të rëndë ndaj ish-krerëve të UÇK-së.
Në Hagë ka nisur sot faza përmbyllëse e gjykimit ndaj ish-krerëve të Ushtrisë Çlirimtare të Kosovës, ndërsa Prokuroria e Specializuar ka kërkuar që katër të akuzuarit të dënohen me nga 45 vjet burg secili.
Pas kësaj kërkese ka reaguar bashkëshortja e Rexhep Selimit, Shqipe Selimi, e cila ka bërë thirrje për drejtësi për ish-luftëtarët e UÇK-së.
Përmes një reagimi publik, ajo ka theksuar se lufta për liri ishte e drejtë dhe se historia e Kosovës nuk mund të ndryshohet.
“E shenjta UÇK!
E shenjtë është liria për të cilën luftuam e u derdh gjak.
Historia jonë nuk rishkruhet.
Drejtësi për çlirimtarët!”, ka shkruar Selimi.
