Ministri i Shëndetësisë, Arben Vitia, ka njoftuar se nga 1 qershori 2026 ka hyrë në fuqi zbatimi i Ligjit për Sigurimin e Detyrueshëm të Kujdesit Shëndetësor.
Sipas tij, tashmë ka nisur edhe hapi i parë për zbatimin e këtij ligji.
“Sot po nis hapi i parë i zbatimit të këtij ligji, me fillimin e procesit për themelimin e Fondit të Sigurimit të Detyrueshëm të Kujdesit Shëndetësor të Republikës së Kosovës”, deklaroi Vitia.
Ai tha se ky është një hap i rëndësishëm drejt ndërtimit të sistemit të sigurimeve shëndetësore në Kosovë.
“Ky është një hap i rëndësishëm drejt ndërtimit të sistemit të sigurimit të detyrueshëm shëndetësor”, u shpreh ministri.
Në fund, Vitia tha se institucionet do të vazhdojnë punën për zbatimin gradual të të drejtave dhe përfitimeve që parashihen me ligj.
