Katy Perry dhuroi një spektakël në natën e parë të Sunny Hill Festival në Prishtinë, por një nga detajet që ngjalli më shumë interes ishte nëse partneri i saj, ish-kryeministri i Kanadasë Justin Trudeau, do ta shoqëronte në Kosovë.
Prania e Trudeau nuk u bë publike gjatë mbrëmjes, por më vonë u konfirmua nga DJ Deezy, i cili publikoi një fotografi me ish-kryeministrin kanadez nga ambientet e festivalit.
Fotografia konfirmoi se Trudeau kishte udhëtuar në Prishtinë për të ndjekur nga afër performancën e Katy Perryt në Sunny Hill.
Këngëtarja amerikane ishte artistja kryesore e natës së parë të festivalit, ku interpretoi disa nga hitet e saj më të njohura para mijëra të pranishmëve.
Katy Perry dhe Justin Trudeau janë në një lidhje prej rreth një viti. Ata u panë për herë të parë së bashku në verën e vitit 2025, ndërsa më pas e bënë publike marrëdhënien dhe janë shfaqur bashkë në disa ngjarje publike e udhëtime.
Justin Trudeau shërbeu si kryeministër i Kanadasë nga viti 2015 deri në vitin 2025. Prania e tij në Sunny Hill nuk ishte paralajmëruar zyrtarisht, por fotografia e publikuar nga DJ Deezy konfirmoi vizitën e tij në Prishtinë.
