Qytetari me emrin Durim Aliu, që protestoi javë më parë para Qeverisë së Kosovës, sërish ka ftuar protestë kundër Albin Kurtit, kryeministër i Kosovës.
Përkundër që nuk mblodhi numër të madh protestuesish, qytetari ka ftuar tash protestë me 1 dhjetor.
Postimi i plotë:
KOSOVA NUK MUND TË VAZHDOJË KËSHTU!
Kërkojmë përgjegjësi politike dhe dorëheqjen e Qeverisë Kurti!
Nepotizëm dhe punësime të politizuara, dyshime për korrupsion, tenderomani, mungesë të barnave esenciale, mungesë të personelit shëndetësor, ikje të mjekëve dhe infermierëve jashtë vendit, si dhe fatura gjithnjë e më të rënda të energjisë elektrike.
Qytetarët meritojnë institucione që punojnë për ta, jo institucione që kërkojnë vetëm durimin e tyre!
1 DHJETOR | ORA 12:00 | SHESHI SKËNDERBEU – PRISHTINË
Ftohen të gjithë qytetarët, mjekët, infermierët, punëtorët shëndetësorë, studentët, pensionistë dhe opozita që të bashkohen në një protestë qytetare, paqësore dhe gjithëpërfshirëse.
PËRGJEGJËSI! LLOGARIDHËNIE! NDRYSHIM!
Zëri i qytetarëve nuk mund të injorohet!
