Daut Dauti, historian, ka shkruar një status, në të cilin ka shpërndarë një lajm në lidhje me gjuetinë në Sarajevë gjatë rrethimit në vitet 1990-ta, një temë e riaktualizuar së fundmi pas fillimit të hetimeve në Itali.
Dauti ka treguar se gazetari boshnjak Nenad Memiq ka shpërndarë një ballinë të gazetës boshnjake e cila shkruante qysh në prill të vitit 1995 për “Safarin e snajperistëve në Sarajevë”.
“Gazetari boshnjak Nenad Memiq ka potencuar se gjuetia e italianëve të pasur ndaj qytetarëve të Sarajevës së rrethuar ka qenë e njohur qyshë në kohën kur ndodhte. Si dëshmi, në Twitter ai e ka postuar faqen e gazetës Oslobođenje ku flitet per këtë problem. Artikulli është i datës 1 prill 1995 dhe është i bazuar në dëshmitë e gazetave italiane të asaj kohe” – ka shkruar Dauti, transmeton Gazeta Politika.
