Grupi militant “Hezbollah” ka lëshuar një letër para vizitës së planifikuar të Papës Leon në Liban.
Në letër, “Hezbullah”-u, që konsiderohet terrorist nga shumë vende perëndimore, ka ftuar me mikpritje dhe ka vlerësuar rëndësinë e Libanit si “urë” mes Krishtërimit dhe Islamit.
Tutje, “Hezbollah”-u gjithashtu i bëri lutje Papës që vizita e tij të kontribuojë në përhapjen e paqes dhe drejtësisë, transmeton “The Jerusalem Post”.
Në kontekstin më të gjerë, vizita e Papës vjen në një moment delikat për Libanin, me tensione të larta për shkak të konflikteve rajonale dhe nevojën për dialog ndërfetar dhe bashkëjetesë
Sjellim ndër mend që Papa Leoni ka qëndruar për disa ditë në Turqi, ku ka pasur takime me grigjën katolike në Stamboll, presidentin turk Rexhep Tajjip Erdogan dhe ka vizituar xhaminë e “Sulltan Ahmetit”, ku papa në shenjë respekti zbathi këpucët dhe u përkul lehtas para hyrjes në këtë xhami.
