Papa Leoni XIV shprehu këtë të dielë shqetësim të thellë për luftën e vazhdueshme në mbarë botën.
Kreu i Kishës Katolike përsëriti thirrjen për armëpushim të menjëhershëm, ndërsa tha se vdekjet dhe vuajtjet e shkaktuara nga konflikti në Lindjen e Mesme janë një skandal për njerëzimin.
“Nuk mund të heshtim përballë vuajtjeve të kaq shumë njerëzve, viktimave të pambrojtura të këtyre konflikteve. Ajo që i lëndon ata, lëndon të gjithë njerëzimin”.
Leoni, Papa i parë amerikan, i cili njihet për të folur në mënyrë diplomatike, ka shtuar thirrjet për t’i dhënë fund luftës me Iranin ditët e fundit.
Të mërkurën, Vatikani i kërkoi Presidentit të SHBA-së, Donald Trump, që t’i japë fund luftës në zgjerim me Iranin sa më shpejt të jetë e mundur dhe sugjeroi që Izraeli gjithashtu duhet të ndalojë sulmet e tij kundër Libanit.
Konflikti i Lindjes së Mesme, i cili ka hyrë në javën e katërt, ka shkaktuar të paktën tre mijë viktima, pjesa më e madhe në Iran dhe Liban. Dhjetëra persona civilë janë vrarë gjithashtu në Izrael dhe vendet e Gjirit.
Mijëra të tjerë raportohet të jenë plagosur dhe qindra mijëra të zhvendosur, kryesisht në Liban, ku Izraeli po vazhdon operacione ushtarake nga ajri dhe nga toka.
