Albin Kurti, kryeministër në detyrë, ditë më parë premtoi rindërtimin e Xhamisë së Ibrit, një objekt i trashëgimisë kulturore që u dogj më 1999 nga Serbia.
Osmani Musliu, imam i njohur nga Drenica, ka komentuar këtë premtim.
Në një status, Mulla Osmani ka shkruar se rindërtimi i Xhamisë së Ibrit është historik sa duket i pabesueshëm.
“Xhamia e Ibrit – Mitrovicë
Një simbol i besimit, historisë dhe bashkimit.
Është dasht dhe duhet te qëndron krenare buzë lumit Ibër, duke dëshmuar për vlerat tona shpirtërore fetare dhe kulturore.
Rindërtimi i Xhamisë së Ibrit është aq historike saqë duket e pabesueshme. Do ishte tepër emociunese e edhe më shumë frymëzuese për shqiptarët e muslimanët e trojeve shqiptare. Për më shumë se një shekull e gjysmë jemi duke u tërhequr me dhunë nga trojet tona e nga ky proces kemi humbur njerëz, troje e simbole që tregojnë se ato vendet janë tonat. Ashtu është edhe Xhamia e Ibrit, vend lutjeje por edhe simbol se këto troje janë tonat dhe ashtu do të mbesin. Kushdo që e merr një hap kaq të madh historik meriton respekt e përkrahje; ashtu edhe do të ndodhë!” – ka shkruar Mulla Osmani.
