Ambasadori i Italisë në Kosovë, Maurizio Antonini, ka vizituar zyret e LDK-së, ku është takuar me kryetarin e Lidhjes Demokratike të Kosovës (LDK), Lumir Abdixhiku.
Në takim, ambasadori Antonini ka uruar Abdixhikun për rikonfirmimin si kryetar i LDK-së.
“Sapo u takova me kryetarin e LDK-së, z. Lumir Abdixhiku, për ta uruar për rikonfirmimin e tij si lider i partisë,” ka deklaruar ambasadori Antonini.
“Diskutuam për situatën aktuale politike në Kosovë, qëndrimet e LDK-së lidhur me zhvillimet e fundit, si dhe për nevojën urgjente për formimin sa më të shpejtë të institucioneve të reja” – shtoi ai.
