Arlind Manxhuka, zëdhënës i Qeverisë së Kosovës, ka folur në lidhje me situatën politike aktuale.
Ai ka vlerësuar se Bedri Hamza, kryetar i PDK-së, asnjëherë nuk ia ka thënë Albin Kurtit, kryeministër i Kosovës, se ka ndonjë problem me emrin e Glauk Konjufcës, kandidat i VV-së për president.
“Si LVV në vitet 2011 dhe 2016 kemi pasur problem me emrat e përveçëm të atyre që u bënë presidentë asokohe. Dhe në vend të takimeve me neve, pushteti atëbotë na përndiqte e shtypte me polici. Bedri Hamzën e ftoi KM Kurti dy herë në takim dhe kanë komunikim normal e të mirë. Hamza asnjëherë s’ia ka thënë Kurtit që ka naj problem me Glauk Konjufcën si personalitet, e të cilin LVV e kandidoi krejt n’fund të afatit për president në pritje të ndonjë marrëveshje me opozitën”, ka shkruar në Facebook Manxhuka.
