Gazetari i njohur shqiptar, Blendi Fevziu, ka vizituar në Firence kompaninë italiane Deka, e cila po merret me restaurimin dhe ruajtjen e veshjes 1400-vjeçare të Profetit Muhamed. Procesi i konservimit, thotë Fevziu se po realizohet me teknologjinë më moderne me lazer, që shmang çdo dëmtim të mundshëm të reliktit të shenjtë.
“Deka pastron me lazerat e saj 99% te veprave te artit ne bote”, shkruan Fevziu.
Gjatë vizitës, Fevziu pati një takim me dy drejtuesit e lartë të kompanisë, Paolo Salvadeo dhe Giustino Gallo, ndërsa e përshkroi eksperiencën si një vizitë të jashtëzakonshme në laboratorët ku bashkëjetojnë shkenca, arti dhe trashëgimia shpirtërore.
Reportazhi i plotë do të transmetohet nesër në orën 22:45.
