Flaka Surroi, publiciste dhe opinioniste e njohur, ka komentuar deklaratën e Daut Haradinajt, ish-deputet i AAK-së, rreth protestuesve të armatosur.
Në një shkrim të botuar në KOHA, Surroi ka vlerësuar se ka pasur thashetheme të tilla.
Sipas Surroit, nëse Haradinaj nuk e ka paraqitur rastin te organet e rendit, atëherë është “një copë vetinkriminimi”.
“Nuk e di nëse edhe Haradinaj me këtë rast i është bashkuar atyre, apo nëse njëmend ka pasur informata për vërtetësinë e kësaj që po e thotë. Po qe se kjo që e thotë është e vërtetë, dhe nëse këtë çështje nuk e ka paraqitur tek organet e rendit, atëherë kjo është një copë vetinkriminimi: moslajmërimi i një vepre penale potenciale, është vepër penale” – ka shkruar Surroi.
