Kryetari i LDK-së, Lumir Abdixhiku, ka zhvilluar takime me anëtarë dhe aktivistë të Degës III dhe Degës IV të partisë në Prishtinë, të cilat i cilësoi si ndër degët më të mëdha të Lidhjes Demokratike të Kosovës.
Në një postim, Abdixhiku ka falënderuar strukturat e partisë për angazhimin dhe besimin e tyre.
“Mes njerëzve të Lidhjes, të vërtetëve, në dy takime me dy degët më të mëdha të Prishtinës; Degën III dhe Degën IV. Ju faleminderit që jeni. Që veproni. Që besoni”, ka shkruar ai.
Takimet vijnë në kuadër të vizitave të Abdixhikut nëpër degët e LDK-së pas procesit zgjedhor.
