Artan Abrashi, deputet i VV, ka komentuar vendimin e Gjykatës Speciale, e cila i dënoi katër ish-krerët e UÇK me 81 vite burgim.
Abrashi ka vlerësuar se janë tri gjëra që duhet të përdoren nga shteti.
Postimi i plotë:
Lufta jonë çlirimtare ka qenë e drejtë dhe e pastër. Anipse aktgjykimi i fundit dha një goditje të rëndë për historinë dhe të vërtetën, megjithatë janë së paku tre gjëra që duhet t’i nxjerrim e përdorim si shoqëri e shtet:
- Pretendimi për shtëpinë e verdhë dhe trafikimin e organeve nuk hyri as në aktakuzë;
- Ra pretendimi për krime kundër njerëzimit dhe sulme të gjera e sistematike kundër popullatës civile;
- Gjykata Speciale e theksoi që UÇK nuk është në gjyq, dhe vendimi i saj assesi nuk ka për qëllim të minojë drejtësinë ose legjitimitetin e luftës çlirimtare.
