Kryeministri i Kosovës, Albin Kurti, ka folur për Astrit Deharin, ish-aktivistin e VV, që vdiq në Qendrën e Paraburgimit në Prizren.
Duke folur afër vendit të varrit të Deharit, Kurti tha se pesë prokurorë janë ndërruar, por rezultati ka mbetur i njëjtë.
“10 vjet pa Astritin janë shumë, janë shumë për familjen, për Vetëvendosjen, për të gjithë ne që e njohëm, por janë edhe shumë për Kosovën dhe shqiptarët, sepse mungon e vërteta e mbytjes së tij dhe drejtësia. 10 vjet më vonë nuk e dimë emrin e vrasësit të Astritit” – ka theksuar Kurti.
