Vjosa Osmani, presidente e Kosovës, ka vizituar kampin amerikan “Bondsteel”.
Vizita ishte pjesë e nderimit të Ditës së Falënderimeve, një ditë festive në ShBA.
Osmani u ka shërbyer ushtarëve amerikanë ushqimin në kamp.
“Ushtarët amerikanë kanë qenë gjithmonë pranë Kosovës, në ditët më të vështira dhe në ditët më të mira për popullin tonë.
Sot, në Festën e Falënderimeve, pata nderin t’u bashkohem sërish në kampin Bondsteel për t’ua shprehur mirënjohjen tonë për kontributin e tyre për paqe dhe siguri në Kosovë dhe përtej” – ka shkruar Osmani.
