Çështja e rrymës, Kimete Berisha kritikon Kurtin: Zdravo, o Albin

Kimete Berisha, opinioniste, ka shkruar një status në lidhje me ndalimin e importit të energjisë elektrike nga Serbia.

Berisha ka pasur kritika të ashpra ndaj Albin Kurtit, kryeministër i Kosovës.

Postimi i plotë:

Zdravo, o Albin.

(Thënie për mashtruesin me bateria.)

…

  1. Tesla shpiku rrymën alternative.
    Kurti shpiku të vërtetën alternative.

Tesla e ndriçoi botën.
Kurti e ndriçon biografinë e vet me rrymë të dyshimtë.

Ende nuk dihet në emër të kujt është njehsori.

…

  1. Ka arritur ta kthejë edhe ndërprerjen e mashtrimit në një mashtrim të ri.

Ky mjeshtër e riciklon të vërtetën derisa të bëhet qese bërlloku.

Pastaj e certifikon si mbeturinë të interesit kombëtar.

…

  1. Ka zbuluar një burim të ri energjie: mashtrimin hidroelektrik.

Nuk i duhet ujë.

Mjafton ta hapë gojën dhe mbushet liqeni i Ujmanit.

…

  1. E vetmja qenie që e përcjell rrymën pa tela dhe gënjeshtrën pa ndërprerje.

Në vend të tokëzimit, ka popullin.

…

  1. Ka vendosur ta shkëpusë Serbinë nga rrjeti elektrik i mashtrimeve të tij.

Veriu vazhdon të furnizohet nga Serbia.

Sovraniteti ka defekt në instalim.

…

  1. Kurti nuk gënjen.

Ai e elektrifikon të pavërtetën, e shpërndan në rrjet dhe e shpall ndriçim publik.

E vërteta nuk ka qasje në rrjet.
Është e padobishme.

…

  1. Qe shtatë vjet nën tension, pa asnjë kontakt me të vërtetën.

Nuk e zë rryma, sepse është i izoluar nga realiteti.

…

  1. Serbia vazhdon të jetë në raftet e dyqaneve të Kosovës.

Mallrat serbe kanë liri të lëvizjes.

E vërteta ndalohet në kufi.

…

  1. Në Veri hyn rryma serbe.

Në jug shiten produktet e Serbisë.

Në mes qëndron Kurti, duke e ruajtur kufirin nga e vërteta.

Territori është i vogël.

Mashtrimi ka dalje në det.

…

  1. Sovraniteti elektrik i Kurtit funksionon si frigoriferi:
    jashtë është Serbia, brenda është Serbia, por drita ndizet vetëm kur e hap derën propaganda.

…

  1. Kurti e ka shpikur embargon metafizike.

Serbia është e ndaluar në parim, e lejuar në praktikë dhe e domosdoshme në faturë.

…

  1. Në fillim luftoi kundër keksave serbë.

Humbi.

Luftën e fitoi biberi serb.

…

EPILOGU

Krejt çfarë ka pështyrë, e ka lëpirë.

…

P.S. Kurti e ka humbur talentin për mashtrim.

Dikur e falsifikonte realitetin me aq mjeshtëri.

Tani vetëm e mohon.

…

Leave a Reply

Your email address will not be published. Required fields are marked *

Back to top button
Close

Adblock u detektua.

Ju lutemi, çaktivizojeni.