Një shtetas i Shqipërisë është arrestuar të enjten nga policia serbe në pikëkalimin kufitar në Merdar.
Siç raporton KOHA, Ministria e Punëve të Brendshme e Serbisë ka pretenduar se 33-vjeçari me inicialet L.D. i është gjetur një flamur me simbolin e Ushtrisë Çlirimtare të Kosovës.
Sipas njoftimit, ai u arrestua mbi bazën e “nxitjes së urrejtjes dhe mosdurimit kombëtar, racor e fetar”. Ai është ndaluar për 48 orë. Kjo ministri ka thënë se ky flamur iu gjet nën ulësen e automjetit.
E vetëm pak ditë më parë, një gjykatë në Beograd ka urdhëruar një muaj paraburgim për një shtetas të Kosovës, i cili u arrestua në fund të muajit të kaluar për gjoja krime lufte në vitin 1999, njoftoi Ministria e Jashtme e Kosovës.
Nga qershori i këtij viti Serbia ka arrestuar 8 qytetarë shqiptarë të Kosovës.
