Dejona Mihali, koordinatore e Komiteteve në Lëvizjen Vetëvendosje, ka shkruar një status, në të cilin ka komentuar zhvillimet e fundit politike.
Më saktë, Mihali ka komentuar deklaratat e opozitës dhe disa analistëve se propozimi i Glauk Konjufcës për kryeministër të Kosovës nga radhët e VV-së, është një manovër politike dhe tentim për të blerë kohë.
Mihali ka refuzuar kategorikisht këto akuza, duke shkruar se “VV-ja kurrë nuk zvarrit”.
“VETËVENDOSJE! kurrë nuk zvarrit, nuk “blen” kohë, as nuk bën improvizime.
Ne kemi qendrime, propozime, ide e projekte politike. Të gjitha në funksion të republikës dhe demokracisë.
Andaj nuk ka nevojë të bërtitet siç po ndodh këtë paradite.
Punët e shtetit kërkojnë vetëpërmbajtje” – ka shkruar Mihali, transmeton Gazeta Politika.
