Ish-kryeministri kritikon kryeministrin në detyrë për mosrespektim të protokollit diplomatik.
Ish-kryeministri Avdullah Hoti ka kritikuar kryeministrin në detyrë, Albin Kurti, për mosnjoftimin e Ambasadorit të Misionit të Posaçëm të Kosovës në Vatikan gjatë vizitës së tij në Selinë e Shenjtë.
“Duke mos e njoftuar Ambasadorin e Misionit të Posaçëm të Kosovës në Vatikan, Kurti e dëshmon edhe një herë mungesën e kulturës shtetërore në veprimet e tij. Kjo nuk është asgjë e re. Kështu ka vepruar ky dhe vartësit e tij në vazhdimësi”, ka thënë Hoti.
Ai ka shtuar se injorimi i ambasadorit është një injorim i shtetit të Kosovës dhe se përfaqësuesit të vendit duhet t’u jepet rëndësi e veçantë në diplomaci.
“Këtij përbuzësi të shtetit të Kosovës duhet dhënë përgjigjen më 28 dhjetor”, ka thënë Hoti, duke iu referuar zgjedhjeve lokale.
