Nënkryetari i LDK-së, Lutfi Haziri, ka thënë se nuk do të ketë takime të reja për çështjen e Presidentit pa një vendim të Gjykatës Kushtetuese.
“Nuk ka takime pa vendim të Gjykatës Kushtetuese”, ka thënë Haziri për Radion Evropa e Lirë.
Deklarata e tij vjen një ditë pasi Bekim Sejdiu tërhoqi kandidaturën për President. Emri i Sejdiut ishte dakorduar në kuadër të marrëveshjes mes Lëvizjes Vetëvendosje dhe Lidhjes Demokratike të Kosovës.
Sejdiu e arsyetoi tërheqjen me mungesën e votave të nevojshme parlamentare, ndërsa foli edhe për devijim të procesit politik.
Sigurimi i numrit të nevojshëm të deputetëve për kuorumin prej 80 deputetësh u bë i pasigurt pasi gjashtë deputetë të LDK-së dolën kundër marrëveshjes.
