Tarifat hyjnë në fuqi më 1 shkurt dhe prekin Danimarkën, Norvegjinë, Suedinë, Francën, Gjermaninë, Mbretërinë e Bashkuar, Holandën dhe Finlandën.
Presidenti i Shteteve të Bashkuara, Donald Trump, ka njoftuar vendosjen e një sërë tarifash prej 10% për disa vende që eksportojnë mallra në SHBA, me efekt nga 1 shkurti.
Trump tha se tarifat do të mbeten në fuqi deri në arritjen e një marrëveshjeje për blerjen e plotë dhe totale të Grenlandës nga SHBA-të.
Sipas presidentit, vendet e prekura përfshijnë: Danimarkën, Norvegjinë, Suedinë, Francën, Gjermaninë, Mbretërinë e Bashkuar, Holandën dhe Finlandën, të cilave do t’u ngarkohet tarifa prej 10% për të gjitha mallrat e dërguara në SHBA.
Ky vendim ka nxitur reagime të ndryshme ndërkombëtare, duke krijuar shqetësime për tregtinë dhe marrëdhëniet diplomatike me vendet evropiane.
