
Vetëvendosje bashkohet me Guxo, Alternativën dhe PSHDK-në për zgjedhjet e ardhshme.
Lëvizja Vetëvendosje ka zyrtarizuar koalicionin parazgjedhor me tri parti të tjera: Partinë Guxo, Alternativën dhe Partinë Shqiptare Demokristiane (PSHDK).
Komisioni Qendror i Zgjedhjeve ka njoftuar se ky koalicion do të garojë nën emrin “Koalicioni Lëvizja VETËVENDOSJE!”. Sipas dokumentacionit të dorëzuar, koalicioni përbëhet nga katër subjektet politike: Lëvizja Vetëvendosje, Partia Guxo, Alternativa dhe PSHDK.
Zyrtarizimi i këtij koalicioni vjen në prag të proceseve të reja zgjedhore, duke konsoliduar bashkëpunimin mes partive që synojnë të garojnë së bashku nën një listë të përbashkët.



