Lëvizja Vetëvendosja dje la një fëmijë të recitojë në prani të kryeministrit në detyrë, Albin Kurti, një “vjershë”, ku kishte thirrje “ju dënoft zoti e dënoft Allahi.”
Ermal Sadiku, ish-deputet i Lidhjes Demokratike të Kosovës, e quajti “të turpshme”.
Postimi i plotë:
Vetvendosja herën e kaluar e keqpërdorën një të moshuar në prag të fushatës. Sot paskan gjetur një fëmijë.
Një poezi e ulët, me frymë propagandistike, që duket se e ka shkruar edhe vetë Vladimir Ilyich Lenin, po recitohet nga një fëmijë i pafajshëm.
Një fëmijë që nesër do të rritet, do ta kuptojë më mirë botën dhe jetën, dhe ndoshta do t’i vijë keq që është përdorur për mesazhe politike që nuk i ka zgjedhur vetë.
Parti e ulët paskeni qenë. Nuk latë asgjë pa keqpërdorur për ta mbajtur pushtetin. As të moshuarit, as fëmijët.
Turp
